ماسنجر فياعة

miss palestine · , 12:15 PM

هاااي للكل

عندي لعبه و بتمنى انا تعجبكم و هيييه رح تكون تقريبا متل الماسنجر

كل عضو يدخل ويكتب أول شي انو متصل

بعدين بتحط أي رساله تحبها لأي شخص في المنتدى

إعجاب - سؤال - عتاب - شعر اهداء......اي شي لأي شخص معين في المنتدى والشخص الموجه الو بس علييية يرد عالكلام الي انكتبله

يلا انا رح ابدا عشان تفهموها:d

الحالة : متصل

السؤال رح اوجهوا ل العضو الي حيكون بعدي انو يحكيلي عن حالو و يعرفنا عليييه اكتر

ان شالله تكونو فهمتواااا

eban falasteen · , 12:49 PM

الحالة:متصل
انا محمد من فلسطين و عايش في الامارات و عمري 15 بدو يصير 16 بعد اسبوع و كل عام و انا في 10000000 خير :d
هلأ انتي عرفينا عن حالك مس فلسطيين و احكيلنا شو بتعملي بحياتك؟ و ادي عمرك:d

miss palestine · , 01:01 PM

الحاله: متصل

اهلا و سهلا فييك محمد انا كمان فلسطينية من يافا بالتحدييد و عايشة بالامارات كماان

أول شي بدي قلك كل عام و انت بخيير و عقبال 1000000 سنه يا رب

أنا عمري 18 سنه العمر كله الي كمااان

بدرس و هاي اول سنه الي بالجامعة الأمريكية بالشارقة

ممممممممم...شو بدي احكي للي بعدي

ممم... الي حيكوون بعدي رح اهديييه غنية فضل و يارا اخدني معك(يلا الي بعدي يعيش حياتوو انا اهديتو غنيه)

هيثم فلسطين · , 03:51 PM

الحالة متصل

تخيلي اني الاغنية اللي بحبها نيالي وبدي اسمعها هلاء كمان

اللي بعدي شو اكتر موضوع عجبك بالمنتدى وشو بتحب اكتر المواضيع تكون متواجدة بكمية كبيرة واعداد هائلة

عسوولة · , 06:14 PM

الحالة : متصل

ممممممممم.....مع أني جديده في المنتدى بس اكثر المواضبع الي بتعجبني هيه الالعاب الطريفة او مواضيع الغريبة
والجرائم

هلأ انا بدي اسأل الي بعدي... مين اكتر عضو قريب ع قلبك و بتحب دايما اتابع مواضيعو؟

miss palestine · , 07:18 PM

الحاله متصل

اول شي يسلمو كتيير عالمرووور يا هيثم فلسطين و يا عسووله

و بدي قلك يا هيثم لييه ميين ما بحب فضل شاكر و اغانييه ؟؟

و بالنسبه ل سؤالك عسوولة

ممممم....و الله يا عسووله انا متلي متلك ما صارلي شي بالمنتدى... بس اكتر الناس هون بالمنتدى حبيت مواضبعهم و مريت على مواضيعهم نوورة و هيثم فلسطييين و تقريبا همه الشخصيين الي حبييت مواضيعهم كتييير..

انا هلأ بدي اوجه سؤالي لهيثم فلسطيين

هيثم عرفنا عن حالك اكتر...من وين انت و وين عايش؟

و اذا الي كان بعدي مش هيثم ف عادي ياوب هوه على السؤال ويعرفنا عن حالو
وبعدين هيثم بجاوبنا

أيوب · , 12:25 AM

يا وقعتك وقعة يا ابو تمرة لا تدخل الموضوع بالمرة

الحالة : متـــصـــل

اهلا وسهلا يا miss ومشكوورين على هاللعبة الحلوة

انا اسمي أيوب عمري 19 سنة كتكوت شوية بس طويل

كنت بدرس بالجامعة تخصص الإذاعة والتليفزيون درست فصل وبطلت لاني بدي اعيد توجيهي وادخل بكالوريوس انشاء الله والله يوفقنا يا رب

والسؤال للي بعدي ...............

شو رأيك بالرئيس الراحل أبو عمار الله يرحمو يارب

ويعطيكوو ألف ألف ألف عافية

عسوولة · , 08:08 PM

الحالة: متصل

ممممم.... والله يا ايووب سؤالك صعب يعني اكيد هاد رئيس بلدي و شهادتي مجروحه فييه يعني ما فيني احكي عنه غير انه اطيب و اشهم وافضل رئيس شفته في حياتي

الله يرحمو يا رب و يجعله من اهل الجنه

ممممم....

السؤال الجاي للي بعدي.... يكتب لنا اكتر جمله او بيت شعر عجبه.. واذا كان ما بيقرأ اشعااار يكتب اكتر اغنيه بحب يسمعها و ليش؟

تسلميي بنووتة فلسطيييين ع اللعبه الحلوووه:d

miss palestine · , 09:07 PM

الحالة : متصل

وينوووو هيثم هرب ما عم برد عليناااااا

يسلموو ايووب ع مشاركتك و تسلمي عسوولة حبييبتييي

سؤالك حلوو عسوولة

انا اكتر غنية بحبها هيه غنية معقول لفضل شاكر...

السووال للي بعدي

شو بتعمل بحاياتك؟ يعني بتدرس او بتشتغل؟

و شو معنى الصداقة بالنسبه الك

أيوب · , 09:51 PM

اسئلة حلوة كتير وراح اعطيكي جواب عليهم

شو بتعمل بحاياتك؟

بعمل حجات كتيرة مثل المطالعة احيانا بحب اقرأ كتب وكتير بحب العب الرياضة وخصوصا كرة القدمومرات بكون بالمطبخ يا بطبخ يا اما بساعد امي في شغل البيت .

-----------------------------------

يعني بتدرس او بتشتغل؟

سبق وحكيت اني كنت بدرس بجامعة الأقصة تخصص فنون الاذاعة والتليفزيون ولكن بطلت من هالتخصص والجامعة وعمالي اعيد توجيهي مشان اعلي مجموعي وادخل بكالوريوس .

----------------------------------

و شو معنى الصداقة بالنسبه الك ؟؟

الصداقة تقريبا هي العنصر الأساسي بحياتي ... يعني مافي اي بشر بالكون ما بيتمنى انو يكون الو صداقات وعلاقات اجتماعية ... والحمد لله انا اجتماعي وبحب اختلط بين الناس ..

مثلا بكون رايح عند شب صحيح اول مرة بيكون هو خجول وانا كمان ولكن باكسر حاجز الخجل هذا خلال جلسة واحدة ... لاني انا بطبيعتي ما بحب يكون اي شيئ مانعني او بالأحرى ما بحب الحواجز

بحب كل شيئ يكون مفتوح أمامي .

وشكرا يا miss palestine على هالأسئلة الرائعة

--------------------------------

وسؤالي للي بعدي ؟؟؟

شو رأيك بالحياة يلي عم بيعيشها الشعب الفلسطيني في ظل الحصار الإقتصادي .. وما هي الحلول برأيك ...

معلش انا اسئلتي دايما مو ثل اسئلتكم بس انا بحب اعيش الجو يلي عم يعيشو الشعب الفلسطيني

وتحياتي الكم